Damian Gjiknuri: Hapja e bajpasit të Vlorës- mbajtje e premtimit të kryeministrit

Nga Damian Gjiknuri-

Hapja e bajpasit të Vlorës është një premtim i mbajtur dhe lajm shumë i mirë për turizmin në vijën bregdetare të jugut. Finalizim i një pune shumë të gjatë, për të cilën ndjehem modestësisht krenar, pasi në 2017/2018 zhbllokuam ngërçin e trashëguar, bëmë nga e para garën, shpallëm fituesin dhe lidhëm kontratën duke mundësuar rifillimin e punës në kantier. Punë e cila vazhdoi me intensitet më pas për tu kurorëzuar tashmë me hapjen e bajpasit në kushtet e kantierit, me synim çlirimin e trafikut të mjeteve që vizitojnë perlat turistike të Jonit. Bajpasi gjithashtu i jep frymëmarrje edhe qarkullimit të mjeteve brenda qytetit të Vlorës gjatë sezonit turistik. Respektoni sinjalistikën rrugore të kantierit dhe pushime të mbara.