Dita e Europës, Presidenti Meta: Qëndrojmë krah Ukrainës me shpresën e rikthimit të paqes

Presidenti Ilir Meta ka dhënë një mesazh në Ditën e Europës për të mbështetur Ukrainën me shpresën e rikthimit sa më parë të paqes në kontinent.

Me anë të një postimi në Facebook, Kreu i Shtetit shkruan:

Sot, në Ditën e Europës, jemi edhe më shumë të vetëdijshëm për rëndësinë e projektit më të madh politik të paqes dhe përbashkimit rreth vlerave që garantojnë bashkëjetesën mes kombeve në kontinentin tonë. Qëndrojmë përkrah Ukrainës me shpresën e rikthimit sa më parë të paqes në Europë, dhe të bëjmë çdo përpjekje për të nisur procesin e negociatave që do ta shoqërojë Shqipërinë drejt anëtarësimit në familjen së saj të natyrshme europiane!