Erion Veliaj: “Lasgush Poradeci”, shkolla më e madhe, më e fortë dhe më e bukur në Shqipëri

Kryetari i Bashkisë së Tiranës, Erion Veliaj dhe kryeministri Edi Rama inspektuan sot shkollën e re “Lasgush Poradeci” në Kombinat. Kryebashkiaku tha se për këtë shkollë do xhelozohet e gjithë Shqipëria, duke shtuar se është një xhelozi e mirë që rrit standardin në vend.

“Komenti më popullor ose më i përdorur kur ne postuam pamjet e shkollës ishte: ‘Mjaft bëtë reklama me shkolla private’, sepse askujt nuk ia kishte pritur mendja që një shkollë publike në zemër të Kombinatit do ishte shkolla më e madhe, më e bukur, më e fortë në Republikën e Shqipërisë, edhe më e mirë se shkollat private”, u shpreh Veliaj.