FOTO/ Deputetët paradë mode me veshje dhe makina luksoze

Seanca e ditës së sotme ka pasur, si gjithmonë, kryefjalë të saj vetëm fjalimin e Edi Ramës. Kryeministri foli më gjatë se zakonisht. Sulmoi opozitën reale dhe mori me të mirë opozitën fiktive brenda parlamentit duke i cilësuar si njerëz të respektueshëm.

Debatet në Kuvend tashmë nuk përbëjnë më lajm politik, pasi çfarëdo të thonë deputetët, në fund votohet siç kërkon Edi Rama. Prej muajsh asnjë ligj nuk është rrëzuar apo ndryshuar, por ka kaluar për votim siç ka ardhur nga qeveria.

Nga seanca në seancë, ajo që bie në sy të mediave dhe gazetarëve është vetëm graderoba e re e deputetëve dhe ministrave. Më poshtë mund të shihni fotot e realizuar nga LSA, ku parlamenti i ngjan një sfilate mode “Pranverë-verë 2020”.