Ish-ambasadore e Gjermanisë në Bosnje dhe Estoni, ja kush e zëvendëson Luigi Soreca-n në Tiranë

Josep Borrell, Përfaqësuesi i Lartë i Bashkimit për Punë të Jashtme dhe Politikë të Sigurisë, njoftoi emërimin e 31 kryetarëve të delegacioneve të Bashkimit Evropian.

Ata do të emërohen zyrtarisht pas marrjes së marrëveshjeve përkatëse nga vendet pritëse.

Christiane Hohmann është emëruar si Kryetare e Delegacionit të BE-së në Shqipëri. Ajo është aktualisht ambasadore e Gjermanisë në Estoni dhe më parë ka shërbyer si ambasadore gjermane në Bosnjë-Hercegovinë.