Kontrolli në banesat e gjyqtarëve të Dajtit, reagon Rama: Vrasës të drejtësisë

Kryeministri Edi Rama ka reaguar ashpër pas aksionit të policisë (me kërkesë të Krimeve të Rënda) në banesat e tre gjyqtarëve që shpëtuan Dritan Dajtin nga burgimi i perjetshëm.

Me një shënim në profilin e tij në Twitter, Kryeminisrti Rama shkruan se u thye keshtu “miti 30-vjeçar i paprekshmërisë absolute të kriminelëve me toga të zeza”.

Postimi i Ramës:

Faleminderit me një përulje të thellë shërbëtorëve të shtetit që thyen mitin 30 vjeçar të paprekshmërisë absolute të kriminelëve me toga të zeza. Duke u treguar vrasësve të drejtësisë për 4 policët e vrarë se koha e të paprekshmëve po mbaron, shteti sot ka hyrë në një fazë të re.