Kryebashkiaku Veliaj flet për qeverinë e re: Do të shihni fytyra të reja në shtator

Kryebashkiaku i Tiranës, Erion Veliaj në një intervistë për News24 thotë se në shtator do të ketë një qeveri ndryshe të Partisë Socialiste për mandatin e tretë.

Veliaj thotë se në fokus të PS dhe Ramës është ripërtëritja e partisë dhe administratës prandaj do të ketë fytyra të reja edhe në nivel drejtues.

“Tashmë gjithçka do të jetë ndryshe, nga komunikimi me opozitën, do të jetë qeveria ndryshe.

Ajo që di dhe shoh, kryeministri ka filluar një diskutim, ftesë, dialog të jashtëzakonshëm me të rinjtë. Një parti që nuk hapet ndaj të rinjve është e destinuar të ketë fatin e PD dhe LSI. I njëjti kryetar, kunat, qepen dhe ja ku janë. Suksesi i PS ka qenë hapja”,- tha Veliaj.