Kryemadhi në takimin e grave republikane të SHBA

Kryetarja e LSI-së, Monika Kryemadhi ka zhvilluar këto ditë një vizitë në Shtetet e Bashkuara të Amerikës.

Kryemadhi ka qenë e pranishme në takimin e grave të Partisë Republikane Amerikane. Në një njoftim në Facebook, Kryemadhi bën të ditur se ka marrë pjesë dhe në meshën e mbajtur në dioqezën e Arlington në SHBA.

“Gjatë vizitës time në SHBA, të premten më datë 22 u ndala në Arlington, ku mora pjesë në meshën multinacionale të dioqezës atje. Gjatë vizitës në Arlington, i dorëzova dioqezës disa relike që mbajnë mbi supe kalvarin e vuajtjeve të popullit shqiptar. Kryqi i dhuruar nga arkipeshvi i Shkodrës Masafra me eshtrat e 10 martirëve, mori një vlerësim të madh nga të pranishmit në meshë dhe drejtuesit e dioqezës.

Ndërsa dje mora pjesë në një takim të gruas republikane në Virginia. Më shumë se 800 gra ishin të pranishme në këtë konferencë, ku mbizotëroi një atmosferë e ngrohtë dhe e gëzueshme“,- shkruan Kryemadhi në Facebook.