Kryemadhi takon ambasadoren Schutz: Gjermania rol kyç në rrugëtimin e Shqipërisë në BE

Kryetarja e Lëvizjes Socialiste për Integrim, Monika Kryemadhi zhvilloi sot një takim në selinë e LSI-së me ambasadoren e Gjermanisë në Tiranë Znj. Susanne Schütz, në përfundim të mandatit të saj si ambasadore e Republikës Federale të Gjermanisë në Shqipëri.

Nga ana e saj, znj. Kryemadhi shprehu vullnetin për rritjen e mëtejshme të bashkëpunimit mes dy vendeve, me fokus të veçantë proceset reformuese të shtetit të së drejtës dhe përmirësimit të klimës së biznesit për të garantuar jo vetëm ritme më të shpejta të integrimit të Shqipërisë drejt Bashkimit Europian, por dhe për të tërhequr investitorët gjermanë për të zhvilluar ekonominë shqiptare, e cila do të sjellë hapjen e vende të reja të punës.

Duke e falenderuar ambasadoren Schütz për bashkëpunimin, kryetarja e LSI-së shprehu mirënjohjen për Kancelaren Merkel dhe qeverinë gjermane për mbështetjen në rrugëtimit e Shqipërisë dhe rajonit në Bashkimin Europian.