Kryeministri: Zjarrvënësit janë arrestuar, tani e ka radhën Prokuroria dhe Gjykata që të japin dënime shembullore

Kryeministri Edi Rama thotë se Policia e Shtetit e ka bërë detyrën e vet duke arrestuar zjarrvënësit dhe tani u takon organeve të drejtësisë që të japin dënimet.

Me anë të një postimi në Facebook, Rama thotë se dënimet duhet të jenë shembullore për një krim të tillë ndaj vendit dhe natyrës.

“POLICIA E SHTETIT ka punuar papushim për kapjen e zjarrvënësve dhe e ka radhën prokuroria e gjykata që të japin dënimet më shembullore për një krim të tillë ndaj vendit, natyrës, ekonomisë, jetës”, shkruan Rama.