Lulzim Basha i ribashkohet protestës te Teatri Kombëtar

I është bashkuar sërish protestës së Teatrit Kombëtar lideri i opozitës Lulzim Basha.

I shoqëruar edhe nga zyrtarë të tjerë të Partisë Demokratike, Basha shpreh solidaritetin dhe mbështetjen ndaj artistëve dhe qytetarëve që prej orësh të tëra po protestojnë në mbrojtje të Teatrit Kombëtar dhe kundër planit të kryeministrit Edi Rama dhe kryebashkiakut të Tiranës, Erion Veliaj.

“Te dashur artistë, qytetarë, ju falendëroj për shembullin e jashtëzakonshëm, heroik qytetar dhe europian që i treguam mbarë botës me qëndresën tonë, që me Aleancen për Teatrin, kauzën më fisnike, mirënhohje për sakrificën tuaj. Zonja dhe zotërinj të aleancës, jeni krenaria dhe frymëzimi për opozitën, qytetarët, jeni etaloni i ri i qëndresës së pathyeshme të qytetarev të bashkuar kundër së keqes”, tha Basha.