“Nuk bëjmë dot grusht shteti në drejtësi me 62 vota”

Deputeti socialist Pandeli Majko ka vlerësuar të drejtën e opozitës për të qënë mosbesuese ndaj reformës në drejtësi, por ai i ka bërë të ditur kolegëve të djathtë se një parti me 62 vota nuk mund të bëjë grusht shteti në sistemin e drejtësisë në Shqipëri.

Majko foli në Komisionin e Posaçëm Parlamentar të Reformës, duke iu drejtuar deputetëve të opozitës, vërejtjet e të cilavë i aprovoi në parim, por i kundështoi në pikën se “nuk kanë pse të bëhen përfaqësues të “Venecias” dhe të kërkojnë zbatimin e rekomandimeve të saj, pasi ekspertët e drejtësisë e kanë thënë qartë që le të jetë “Venecia” vetë që ta gjykojë sesa janë reflektuar prej tyre në draftin e reformës, rekomandimet e saj, përfshirë edhe zgjedhjen me 3/5-tat.