Maliqi: Reforma zgjedhore mbetet Kryefjala e vetme e zgjidhjes së krizës politike

Nga Lefter Maliqi

Pse kanë frikë nga sistemi elektoral mazhoritar i pastër me 100 zona?? Reforma zgjedhore mbetet Kryefjala e vetme e zgjidhjes së krizës politike dhe ekonomike në vend.

Sistemi elektoral aktual ku për çdo gjë vendosin Kryetarët dhe populli voton partitë është i dështuar. Sistemi aktual elektoral solli krizë të rëndë politike dhe ekonomike, ku parlamenti u mbush me deputetë listë të inkriminuar, me të shkuar të errët kriminale, pa nivel arsimor e intelektual, biznesmenë e të fortë me para të pista ku disa deputetë u arrestuan dhe disa u përjashtuan. Kjo frymë e këtij parlamenti të deshtuar për shkak të këtij sistemi elektoral u shtri dhe tek pushteti lokal dhe drejtuesit e administratës së shtetit. Raporti OSBE,ODHIR -it ,zyrtarët Amerikanë dhe Gjermanë kanë folur qartë. Reforma zgjedhore domosdoshmëri. E vetmja zgjidhje është ndryshimi i sistemit aktual në sitën mazhoritar të pastër me 100 zona dhe 100 deputetë. Populli vendos vetë me votë se kush deputet ka integritet, popullaritet, aftësi. Pasi populli i njeh mire në zonat e tyre se kush janë, kush kanë qenë, si kanë punuar, janë apo jo të ndershëm, të paster, intelektual etj dhe zgjedhin me votë të drejtperdrejtë më të mirin që do i përfaqesojë në çdo zonë. Sistemin mazhoritar e kanë frikë deputetë, ministrat aktual pasi populli nuk i voton në zonat e tyre, pasi janë pasuruar në kurriz të tyre, janë kthyer në pashallarë dhe kanë abuzuar me pushtetin.