Mesazhi i Ambasadës së SHBA në 25 vjetorin e vizitës Sekretarit Bejker

Ambasada e SHBA-ve në Tiranë ka përkujtuar sot 25-vjetorin e vizitës së Sekretari i Shtetit James A. Baker III në Tiranë. Kjo ishte vizita e parë e një sekretari shteti në Shqipëri dhe mesazhi i saj ishte hapja e vendit drejt vlerave perëndimore.

Në një mesazh në rrjetet sociale Ambasada e SHBA shprehet se “Shqiptarët duhet të jenë krenarë për përparimin e mahnitshëm që kanë bërë gjatë këtyre 25 viteve të fundit”.

Postimi  Ambasadës së SHBA:

“Kanë kaluar 25 vjet qëkur Sekretari i Shtetit James A. Baker III iu drejtua 300,000 shqiptarëve në sheshin Skënderbej. Shqiptarët duhet të jenë krenarë për përparimin e mahnitshëm që kanë bërë gjatë këtyre 25 viteve të fundit. Shtetet e Bashkuara qëndrojnë pranë jush ndërsa punoni për të arritur gjithçka që mbetet për t’u bërë”.