Meta: Mbështetje nga Suedia për forcimin e shtetit të së drejtës

Presidenti Ilir Meta ka pritur sot ambasadoren e re të Suedisë në Shqipëri, Elsa Hastad. Kreu i shtetit shprehet se ka marrë gjatë takimit garanci për mbështetjen e Suedisë në forcimin e shtetit të së drejtës.

“I lumtur të prisja sot në një takim të veçantë Ambasadoren e re të Suedisë në Shqipëri, Znj. Elsa Hastad, me rastin e paraqitjes së letrave kredenciale, dhe të merrja garancitë e saj për mbështetjen e Suedisë për forcimin e demokracisë, të të drejtave themelore të njeriut dhe shtetit të së drejtës në Shqipëri”,- shkruan kreu i shtetit në një postim në Facebook për takimin me diplomaten e re në Tiranë.