Meta tjetër mesazh “diplomatëve të korruptuar”: Bëhuni me integritet si Doris Pack

Presidenti Ilir Meta është takuar sot me kryetaren e forumit të gruas në Partitë Popullore Europianë (PPE), Doris Pack. Në mesazhin e tij në Facebook, Presidenti Ilir Meta shkruan: “Kënaqësi të takohesha sot me Doris Pack, një mbështetëse e flaktë e Shqipërisë, e ndershme dhe me integritet, siç duam t’i shohim të gjithë përfaqësuesit europianë”.

Doris Pack është një politikane europiane që ka reaguar gjithmonë për zhvillimet politike në Shqipëri duke kërkuar ruajtjen e standardeve demokratike, ndryshe nga një pjesë e diplomatëve që mbështesin gjithmonë qeverinë, edhe kur ajo e ka gabim.