Nishani: Edhe socialistët janë të pakënaqur me qeverisjen e ‘Rilindjes’

Ish-Presidenti, Bujar Nishani, i ftuar në “Arena” në Ora News, tha se edhe votuesit socialistë janë të pakënaqur me qeverisjen e Rilindjes. Sipas Nishanit, situata ka ardhur aty ku nuk mban më ujë pilafi.

“Opozita sot ka marrë përsipër të konkludojë në një aksion politik, qoftë edhe përmes protestës papajtueshmërinë e madhe që kanë qytetarët ndaj realitetit. Është padyshim qeveria që e ka krijuar këtë realitet. Në tërësi, opozitat e kanë pjesë të tyre aksionin e protestës. Duhet të vësh në peshore një sërë rrethanash. Unë besoj që sot opozita është e detyruar nga kjo aksiomë e reagimit qytetar se sa vet opozita po krijon aksiomën. Sot ka një mospajtim të madh ndaj qeverisjes nga një grup i madh qytetarësh pavarësisht afilacionit të tyre politik. Jam i bindur që ka shumë votues socialistë që nuk pajtohen me modelin e qeverisjes së Rilindjes. Këtu është shprehja e vendosmërisë së asaj që duhet të ndryshojë. Situata ka ardhur aty ku nuk mban më ujë pilafi.