OSBE: Drejtësia e vonuar, gjysma e gjyqeve janë joproduktive

Kreu i Prezencës së OSBE në vendin tonë, Florian Rauning dhe ministri i Drejtësisë, Ylli Manjani ishin të një mendimi se proceset gjyqësore nuk duhet të vonohen.

Nga Shkodra ku u prezantua nisma “Drejtësi pa vonesa”, Rauning tha se në Shqipëri gjyqet civile zgjasin 280 ditë në Shkallën e parë.

“Drejtësia e vonuar është edhe drejtesi e mohuar. Shumë vende vuajnë nga drejtesia e vonuar. Në Shqipëri gjyqet civile zgjasin 280 ditë në shkallët e para dhe se gjysma e gjyqeve janë jo produktive. Efikasiteti i procedimeve është shumë i rëndësishëm”, u shpreh ai.