Prefektura e Kukësit: Ende aktive disa vatra zjarri, dhjetëra forca në terren për të neutralizuar flakët

Kukësi është ndër qarqet më problematike sa i përket situatës së zjarreve. Vijojnë të digjen pyje e shkurre.

Komiteti i Mbrojtjes Civile, në Prefekturën e Kukësit, kanë bërë një pasqyrim të vatrave të zjarreve atje. Në njoftim thuhet, se vatra e zjarrit në Majën e Rrunës, vazhdon të jetë aktive. Për të neutralizuar atë, në terren, ndodhen 10 forca zjarrfikëse dhe 6 punonjës të pyjores.

Në Bashkinë e Tropojës, janë evidentuar 2 vatra zjarri që janë ende aktive, më konkretisht në fshatrat Betoshë dhe Lekbibaj. Në këtë zonë janë angazhuar gjithsej mbi 20 forca operacionale.