Presidenti i KE uron Ramën për zgjedhjen e Shqipërisë anëtare e Këshillit të Sigurimit

Presidenti i Këshillit Evropian, Charles Michel ka uruar kryeministrin Edi Rama për zgjedhjen e Shqipërisë si anëtare jo të përhershme të Këshillit të Sigurimit.

Përmes rrjetit të tij social Twitter, Michel shkruan se së bashku me Ramën kanë diskutuar edhe lidhur me përparimin e Shqipërisë në rrugën drejt Bashkimit Evropian.

Postimi i plotë i presidentit të Këshillit Evropian:

Urova kryeministrin Edi Rama për zgjedhjen e Shqipërisë si anëtare jo e përhershme e Këshillit të Sigurimit. Ne gjithashtu biseduam për përparimin e rëndësishëm që ka bërë Shqipëria në rrugën e saj të BE deri në samitin e ardhshëm të Ballkanit Perëndimor.

I congratulated prime minister @ediramaal on Albania’s election as non-permanent member of @UN Security Council #UNSC

We also reviewed the significant progress made by Albania on its EU path in light of the forthcoming Western Balkans summit. pic.twitter.com/gxKfDPPGAc

— Charles Michel (@eucopresident) July 14, 2021