Presidenti jep titullin “Mjeshtër i Madh” futbollistëve Ballgjini

Presidenti Meta ka postuar një status në facebook pas dhënies së Titullit “Mjeshtër i Madh” vëllezërve Ballgjini.

Ja statusi i Presidentit Meta:

Për kontributet e tyre të çmuara dhe rezultatet e shkëlqyera, të arritura në arenën kombëtare dhe ndërkombëtare, duke shpalosur vlera të larta të sportistëve model e duke u shndërruar në shembuj frymëzimi për brezat e rinj, pata sot kënaqësinë e veçantë të vlerësoja me Titullin “Mjeshtër i Madh”, dy futbollistë të spikatur, vëllezërit Shyqyri dhe Haxhi Ballgjini.

Dy Ballgjinë për Shqipërinë, të cilët i kanë dhënë gjithçka futbollit tonë kombëtar, krenari për Durrësin, Dinamon, Partizanin dhe Kombëtaren tonë, model në fushën e blertë dhe jashtë saj.