Presidenti Meta për Deutsche Welle: Në Shqipëri ka një zemërim masiv, duhet lexuar nga qeveria

Presidenti Meta ka folur ndër të tjera, ku është pyetur nga radio shtetore gjermane DW në lidhje me protestën e së enjtes.

Pyetjes se “Opozita ka paralajmëruar se të enjten do të ketë një tjetër protestë. Cili është mesazhi juaj në lidhje me këtë protestë?” Presidenti Meta i është përgjigjur se “Është e rëndësishme që çdo protestë të jetë paqësore dhe ata të cilët i organizojnë të marrin të gjitha përgjegjësitë e tyre, ashtu sikurse është e turpshme që protestat të provokohen për çdo lloj arsye.

Në Shqipëri ka një pakënaqësi, ka një zemërim dhe është koha, jo për ta instrumentalizuar këtë pakënaqësi dhe zemërim nga çdo palë, por për ta lexuar dhe për të reflektuar gjithkush me përgjegjësi se si kjo të kthehet në një energji pozitive për zhvillimin e vendit.