Presidentja kroate pret veteranët shqiptarë, Meta: Forcuan miqësinë historike

Presidentja e Kroacisë, Kolinda Grabar-Kitaroviç ka zhvilluar një takim me një delegacion të Shoqatës së Veteranëve Shqiptarë në luftën kroate për çlirim. Ajo ka njohur delegacionin me hapat e ndërmarrë në lidhje me rregullimin e statusit të Kroacisë Atdheut Veteranëve të Luftës.

Presidentja Grabar-Kitaroviç u shpreh se gjatë Luftës Atdhetare dhe mbrojtjes kroate kundër agresionit, shumë shqiptarë u bashkuan me forcat kroate dhe luftuan për pavarësinë e këtij vendi.

Këtë takim e ka përshëndetur edhe Presidenti i Republikës së Shqipërisë, Ilir Meta, i cili është shprehur se “vetëmohimi dhe sakrificat e shqiptarëve në Kroaci për lirinë e saj e kanë bërë edhe më të fortë miqësinë historike të popujve tanë”.