Qëndrimi për Kosovën ERTV sposton Majkon nga Diaspora

Ministri për Diasporën, Pandeli Majko në një intervistë për “ABC News” deklaroi dje se e mbështeste idenë për ndarje të Kosovës. Si ish-kryeministër i Shqipërisë gjatë luftës së Kosovës, por edhe si i vetmi politikan i Tiranës që ka pasaportë të shtetit të Kosovës, Majko kërkoi nga klasa politike në të dy shtetet që të bëjnë kujdes me idetë “e rrezikshme për shkëmbimin e territoreve”.
Deklarata e Majkos është një qëndrim i hapur ndaj politikës së Jashtme të Edi Ramës që ka mbështetur idenë e korrigjimit ë kufijve bashkë me Hashim Thaçin. Për të njëjtin qëndrim për Kosovë, kryeministri Edi Rama largoi nga ministrja e Jashtme Ditmir Bushatin.
Efekti i deklaratës së Majkos kundër linjës së Ramës ka dhënë efektet e para. Sot zyra e shtypit e kryeministrit ka thirrur për intervistë lidhur me punën e Ministrisë së Diasporës jo titullarin institucionit, ministrin Majko, që organizon aktivitetin, por zëvendësministrin e Jashtëm, Ejten Xhafaj.
“Në orën 17:30, në ERTV, Etjen Xhafaj, zv/ministër i Jashtëm, intervistë për Samitin e Dytë të Diasporës”,- thuhet në njoftimin e Kryeministrisë.
Samiti i Diasporës organizohet në bashkëpunim me Ministrinë e Jashtme, por organizimi i tij është prej ministrisë së drejtuar nga Pandeli Majko dhe institucioni që ai drejton.
Nuk dihet nëse Majko ka pasur angazhime dhe nuk mund të shkonte në studion e ERTV, apo “kryeredaktori” i televizionit (Edi Rama) ka vendosur t’i çojë sinjal duke spostuar ministrin me një zëvendësministër.