Rama bën thirrjen e fortë për Bashën nga Përmeti: Ishalla nuk po na dëmton
Kryeministri Edi Rama vijon vizitën e tij në qarkun e Gjirokastrës. Kreu i qeverisë ishte sot në Përmet, ku vizitoi disa nga sipërmarrjet e këtij qyteti. I shoqëruar nga ish-ministrja e Kulturës, Mirela Kumbaro dhe ministri i Bujqësisë Bledi Çuçi gjatë vizitës së tyre u ndalën edhe tek një hotel.
Teksa shihte ambjentet e hotelit, i cili nga një pallat i para viteve ’90 ishte kthyer në vendin më të vizituar për turistët, Rama ndau edhe shqetësimin e tij.
Gjatë bashkëbisedimit me pronarin, kreu i qeverisë u lut që lëvizjet e opozitës, e cila pas djegies së mandateve ka paralajmëruar protesta në çdo qytet të mos dëmtojnë turizmin.
“Ishalla nuk po na dëmton kjo që po ndodh këto ditë. Kjo është problemi i madh. Vetëm atë efekt ka kjo se tjetër gjë nuk nxjerrin dot ata. Vetëm të dëmtojnë njerëzit që punojnë dhe të dëmtojnë imazhin e këtij vendi. Këtu punohet shumë me turizëm, punohet me një industri që po merr rritje edhe më të madhe, por ishalla nuk po ndikon shumë’, tha Rama.
KOHA JONË SONDAZH
