Rama i delegon Cakajt drejtimin e Ministrisë së Jashtme

Pas ish-Ministri Ditmir Bushati i kaloi Ministrinë e Jashtme, Ministrit Edi Rama, ky i fundit bëri me dije se i ka deleguar detyrat e Ministrisë së Jashtme, Gent Cakajt, i propozuar nga ai vetë si Ministër i Jashtëm por që u refuzua nga Presidenti Ilir Meta.

Në fjalën e tij të shkurtër, kryeministri Edi Rama tha se i delegon drejtimin e ministrisë zv/ministrit Gent Cakaj.

“Është fjala më e shkurtër në jetën time. Unë në funksionin tim si ministër i Jashtëm i delegoj zotit Gent Cakaj drejtimin e kësaj ministrie dhe përfaqësimin në institucionet ndërkombëtare”, u shpreh Rama. Një ditë më parë Rama u betua para presidentit Ilir Meta.