Rama shijon fundjavën në bregdetin e Vlorës: Me dashuri për të gjithë ju…

Kryeministri Edi Rama ka zgjedhur që këtë fundjavë të shijojë bukuritë e bregdetit të Vlorës. Paradite ishte në Fier, në drekë inspektoi pjesën e re të Lungomares.

I lodhur nga ditët stresuese me pandeminë ai sot pasdite është relaksuar diku afër Radhimës duke soditur detin dhe pamjen që të dhuron gjiri i Karaburunit.

Në një foto të postuar në Facebook, kryeministri Edi Rama shkruan: “Me dashuri për të gjithë ju, nga pjesa më e bukur e vendit më të bukur në botë, Shqipërisë!’.