Raporti i OSBE/ODIHR për zgjedhjet, Ambasada Britanike: Të hetohen shit-blerja e votës dhe shkelja me të dhënat personale

Ambasada britanike në Tiranë ka reaguar lidhur me raportin e publikuar një ditë më parë nga OSBE/ODIHR mbi zgjedhje parlamentare të 25 prillit.

Referuar rekomandimeve të OSBE/ODIHR, ambasada britanike inkurajon palët t’i zbatojnë plotësisht ato ndërsa thekson nevojën për të hetuar rastet e shit-blerjes së votës apo shkeljen e të dhënave personale.

Postimi i plotë në Facebook:
OSBE/ODIHR publikoi raportin përfundimtar mbi zgjedhjet e 25 prillit në Shqipëri, duke rekomanduar një rishikim gjithëpërfshirës dhe në kohë të kuadrit ligjor përpara zgjedhjeve të ardhshme.

Ne inkurajojmë të gjitha palët të zbatojnë plotësisht rekomandimet e Misionit të ODIHR-it për vëzhgimin e zgjedhjeve dhe theksojmë nevojën për të hetuar rastet e shit-blerjes së votës apo shkeljen e të dhënave personale, për të garantuar të drejtën për të votuar në mënyrë të lirë dhe të fshehtë.