Samiti i BE-së në Tiranë, këshilltarja e kryeministrit tregon çfarë fiton Shqipëria

Më 6 dhjetor për herë të parë në Tiranë do të mbahet Samiti i BE-së dhe Ballkani Perëndimor. Odeta Barbullushi, këshilltarja e kryeministrit Rama tregon domethënien që ka organizimi i samitit.

“Është samiti i parë që organizohet në rajon dhe kjo ka rëndësi të madhe sepse nënvizon mesazhin e rëndësisë që ka rajoni për Bashkimin Evropian. Ka domethënie politike, diplomatike, por edhe konkrete. Tregohet besim i madh duke i thënë pikërisht Shqipërisë këtë lloj vizibiliteti”, deklaroi Barbullushi.

Nga ana tjetër, ajo thekson edhe se “Vitet e fundit ka prezencë të shtuar të vendit tonë në skenën evropiane, sa i përket rolit në përballimin e krizave dhe kontribuimin në sfidat e përbashkëta të sigurisë evropiane. Kemi pasur presidencën e OSBE-së dhe përveç organizimit të këtij samiti, kemi marrë edhe mandatin e organizimit të samitit të Procesit të Berlinit”,-tha në ”A2cnn”.