Shemsi Prençi: Çfarë deklarova para 2 vitesh për tërmetet?

Ish-drejtori i emergjencave Civile në studion e emisionit 360 gradë tha se për tërmetet ka ngritur alarmin që para dy vitesh.

Ai tha se në atë kohë deklarata e tij nga disa media u nxor jashtë kontekstit.

Shemsi Prençi: Unë do ta mbaj mbi vetë një përgjegjësi që e kam deklaruar para dy vitesh. Në takimin e shtabit të emergjencës të prefekturës së Tiranës, nga studimi që kisha bërë të këtij libri dhe të një raporti të tërmeteve në Shqipëri nga IGJEUM, unë ngrita alarmin se ne duhet të përgatitemi edhe për tërmetet sepse jemi në prag të periudhës së përsëritjes së cikleve sipas këtij teksti dhe raportit. Në atë kohë e keqpërdorën kontekstin tim disa media, që thanë se drejtori i emergjencave ka parashikuar tërmetet.