Skandali, ikin dritat para konferencës në Presidencë, Meta: OSHE ka filluar fushatën

Presidenca njoftoi sot në orën 18:30 daljen në një konferencë për mediat të kreut të shtetit Ilir Meta. Pak minuta para nisjes së konferencës me gazetarët, si rrallë herë në ambientet e Presidencës u fikën dritat. Shkëputja e energjisë në institucione si Presidenca, Kryeministria dhe Kuvendi është diçka që nuk ndodh rastësisht dhe as pasojë e ndonjë defekti, sepse statusi i veçantë i këtyre ndërtesave kërkon dhe monitorim të përhershëm nga ana e OSHE-së.

Duket se drejtues të Operatorit të Shpërndarjes së Energjisë kanë zgjedhur të ndalojnë konferencën e kreut të shtetit duke përdorur metoda amatore si fikja e dritave.

Konferenca u vonua 20 minua dha kreu i shtetit ironizoi situatën e krijuar duke deklaruar se dhe OSHE ka nisur fushatën elektorale. “Ndjesë për vonesën por na ikën dritat në presidencë, ndaj e kishim të pamundur të lidheshim në kohë. S’e kuptova, ka nisur edhe OSHEE fushatën elektorale”, ironizoi Meta.