Ambasadori i BE pas takimit me Bashën: Të ndiqen procedurat demokratike

Ambasadori i BE në Tiranë, Luigi Soreca ka folur për mediat, pas takimit të zhvilluar sot në mëngjes në selinë blu me kreun e PD, Lulzim Basha.

Soreca tha se kreut të PD-së, Lulzim Basha i është bërë e qartë qëndrimi i BE-së, lidhur me situatën e krijuar pas vendimit të opozitës për djegien e mandateve.

”Fola me secilin dhe është mjaft e rëndësishme për të ndarë këto pozicione. BE ka qenë mjaft i qartë, i kemi shpjeguar liderit të PD dhe pozicionin tonë. Është e rëndësishme për të folur dhe diskutuar. Nesër është një ditë e rëndësishme, presim që të mos ketë akte dhune dhe të ndiqen proceset demokratike”, u shpreh ambasadori, ndërsa në këtë takim mori pjesë edhe ambasadorja e Gjermanisë, Susanne Schutz.