Spaho – zyrtarit të OSBE: Bukurosh, si s’ka ndikuar blerja e votave në rezultat kur PS 3-fishoi rezultatin në Dibër

Nënkryetari i Partisë Demokratike, Edmond Spaho i është kundërpërgjigjur ashpër deklaratave të zëvendësambasadorit të OSBE në Shqipëri, Robert Ëilton, i cili pranoi sot nga Shkodra shitblerjen e votave në zgjedhjet e 2017, por tha se kjo nuk ndryshonte rezultatin.

Përmes një reagimi në faqen e tij zyrtare në rrjetin social “Facebook”, Spaho i kërkon diplomatit në fjalë që të shpjegojë se pse në përgjimet e dosjes 339 nuk përmendet asnjë zyrtar i çfarëdo niveli i PD-së.

Po ashtu, Spaho i kërkon përgjigje Robert Ëilton-it se si e trefishoi PS-ja rezultatin në Dibër në kushtet kur kryetari i saj i bashkisë u kap me brekë të grisura. Dhe në fund të reagimit të tij, nënkryetari i PD-së i kërkon zëvendësambasadorit të OSBE një fakt të vetëm që PD ka blerë vota. /KJ

Reagimi i plotë i Edmond Spahos

Janë 400 disqe me incizime të atyre që kanë bërë pazare për vota dhe në asnjë prej tyre nuk është qoftë edhe një zyrtar i vetëm i PD-së i çfaëdo niveli. Si nuk ndikon në rezultat, nga e di ky bukurosh? Përse në raportin e ODIHR-it rekomandimi i dytë tek rekomandimet kryesore është adresimi i shitblerjes së votës. Përse sondazhi i kryer nga një OJQ në Shkup për llogari të BE-së konkludon që 20% të zgjedhësve shqiptarë ju janë ofruar para në këmbim të votave? 20% ndikon në rezultat, apo jo? Po dosja 339 për kë është? Përse prokurori i dosjes thotë që në datat 8, 9, 10 shtator 2016 vumë në përgjim telefonat e 20 zyrtarëve nga më të lartë të PS-së dhe të gjithë bisedonin me kriminelë për blerje votash? Si e trefishoi PS rezultatin në Dibër në kushtet kur kryetari i saj i bashkisë u kap me brekë të grisura? A mund të japë ky zëvendësambasador një fakt të vetëm që PD ka blerë vota?