Spiropali takon ambasadorin e BE në Tiranë

Ministrja e Shtetit për Marrëdhëniet me Parlamentin, Elisa Spiropali zhvilloi sot një takim me Ambasadorin e Delegacionit të Bashkimit Europian në Tiranë, Luigi Soreca.

Ecuria e reformave të ndërmarra nga qeveria shqiptare, në kuadër të çeljes së negociatave me Bashkimin Europian ishte në fokus të këtij takimi.

Bashkëbiseduesit u ndalën edhe në veprimtarinë e Parlamentit, me theks të veçantë tek reforma zgjedhore, e cila u vlerësua si një prej sfidave të aktivitetit parlamentar.

Ministrja Spiropali nënvizoi se për këto reforma është e mirëpritur mbështetja dhe kontributi i të gjithëve. ​