Turistët turq zbresin nga jahti, marrin bidon me ujë për të fikur zjarrin në Sazan. Kurse qeveria nuk ndërhyn nga ajri

Zjarri në ishullin e Sazanit vijon të jetë aktiv prej thuajse 24 orësh dhe deri më tani nuk ka asnjë ndërhyrje nga ajri nga ana e institucioneve përgjegjëse. Por ama dy turistë turq kanë prekur me gjestin e tyre.

Ata kanë zbritur nga jahti ku po pushonin, dhe kanë ndihmuar në shuarjen e flakëve.

Turistët kanë zbritur dhe me bidona me ujë tentojnë të shuajnë flakën në një pemë që sapo kishte marrë flakë, duke marrë përsipër edhe rrezikun që i kanoset për jetën e tyre.

Ky gjest është më i madh sesa puna që po bën shteti në Sazan, ku flakët po djegin me mijëra hektarë pyje.