Veliaj: “Bashkëjetesa fetare, “paja” që Shqipëria i jep Europës

Kryetari i Bashkisë së Tiranës, Erion Veliaj, ishte sot i ftuar nga partitë e qendrës së djathtë në Parlamentin Europian për të folur mbi dialogun ndërfetar në Shqipëri.

Në konferencën e mbajtur sot në Bruksel, organizuar nga grupi i Partive Popullore Europiane me temë “Dialogu ndërfetar si një mjet përforcues në zgjidhjen e konflikteve gjatë procesit të Integrimit Europian”, kryebashkiaku Veliaj përcolli mesazhin e bashkëjetesës fetare në Tiranë dhe në Shqipëri, të cilin e konsideroi si një pasuri shoqërore të shqiptarëve.