Video/ Basha: Kjo s’është një lëvizje për pushtet. Ramës nuk po i funksionon mekanizmi i frikës

Ai shtoi se, “këto kanë qenë protestat më të mëdha pas vitit 90. Kupa është mbushur. Nuk kemi çfarë presim”.

https://www.facebook.com/lulzimbasha.al/videos/553969685086942/

“Shqiptarët e kanë vrarë frikën, tani të shembim sistemin”

Gjatë intervistës në “Zonë e Lirë”, kreu i PD-së Lulzim Basha u shpreh optimist për të ardhmen e vendit, duke besuar te forca e njerëzve, sipas tij.

“Kjo është beteja midis shtetit të frikës dhe popullit. Ka shumë forma që policia kontrollon njerëzit mos shkojnë në protestat e opozitës, të cilat tregojnë se të vetmet armë që i kanë ngelur Ramës janë propoganda dhe frika”, ka thënë Lulzim Basha në studion e “Zonë e Lirë”, duke thënë se Rama ka marrë goditjet e fundit nga protesta e studentëve dhe më pas ajo e opozitës.

“Kam besim tek forca e njerëzve, kemi një koncept që shteti punon me frikë dhe propagandë, këto janë gradat e fundit të një regjimi. Nuk është e vërtetë që ndërkombëtarët përkrahin Ramën. Nuk po i funksionon më frika, goditjen e madhe e mori me studentët, të dytën e mori me këtë protestë që po vazhdon”, tha Basha.

“Unë besoj tek forca e njerëzve. Unë besoj se shteti është si një familje e madhe, ka për detyrë të kujdeset për njerëzit, për mirëqënien e tyre, të kujdeset ndaj çdo qytetari edhe ndaj më të pamundurit. Çfarë bën një familje? Një familje me kërkesë të lartë llogarie, çfarë bën? Kujdeset që brënda familjes, gjithkush të bëjë detyrat e veta dhe ne për këtë po luftojmë; të kemi një shtet ku gjithësecili të bëjë detyrat e veta dhe askush të mos ketë mundësinë të abuzojë me pasuritë publike dhe me fatin e njerëzve. Ky shtet sot ka vetëm një qëllim: vjedhjen, abuzimin dhe në funksion të kësaj ka frikën dhe propagandën. Sa mund ta zgjasë kështu? Shqiptarët po bashkohen dhe po bashkohen me një qëllim: ti japin fund kësaj gjendjeje dhe të krijojnë, nëqoftëse krahasojmë shtetin me familjen, një shtet I cili të japë llogari para tyre, mos ti vjedhë, mos ti dhunojë, mos ti tallë port ë kujdeset për ta. Shpresa për këtë ndryshim është shumë më e fortë se sa frika që po mundohet në grahmat e fundit të ngjallë ky regjim. Nuk po i funksionon më frika. Goditjen e parë e mori me studentët, të dytën e mori me këtë protest që ka nisur e nuk do të ndalet. Do të jetë gjithmonë e më e madhe, sepse protestën nuk e ushqen vetëm zëmërimi I ligjshëm, ka filluar ta ushqejë dhe shpresa që kjo nuk është një lëvizje për pushtet e disa partive politike, por është një lëvizje për ndryshim, një ndryshim të vërtetë për vendin tonë.”, thotë kryetari i PD.

“Këto që po them nuk janë imagjinatë, por do të jenë realitet nesër”, shtoi Basha.

Gjatë një komenti të moderatorit Arian Çani, i cili e etiketoi vendin si një nevojtore, Basha reagoi duke thënë: “Ne jemi një vend i bukur dhe i pasur, por i vjedhur. Nevojtore është qeveria”.

“Puro propagandë”, Basha komenton vallëzimin e Ramës në Fier

Kryetari i Partisë Demokratike, Lulzim Basha ka komentuar vallëzimin e kryeministrit Edi Rama sot në “Ditën e Gruas” në Fier.

Shefi i qeverisë duke uruar sot festën e gruas, i ftoi këto të fundit në një vallëzim në qytetin e Fierit dhe ky veprim u përhap me shpejtësi në rrjet, ku komentet ishin të shumta. Sipas Bashës, kjo ishte një propagandë e radhës e Ramës duke pohuar se po vijojë kështu kjo situatë, Shqipëria ka marrë fund.

“Tani i pashë. Nuk është se më ngjallin ndjenjë. Ajo është puro propagandë. Kjo është një propagandë që nuk funksionon. Rama e qan propagandën. Ai e ka qef atë. Beteja që kemi nisë është veprim i paprecedent, por tani ka ardhur momenti.  Po vijoj kështu, ky vend ka marrë fund. Do të ndryshojmë vendin dhe për ta bërë këtë duhet ta nisim me një ndryshim thelbësor”, tha Basha në “Zonë e Lirë”.

vijon…