Votimet, media kanadeze kritika të forta për vëzhguesit ndërkombëtarë

Votimet njëpartiake të 30 qershorit, moniste kanë tërhequr vëmendjen e shtypit të huaj.  Në një shkrim të sajin, portali ”660 News” në Kanada, shkruan ndër të tjera se: “Zgjedhjet në Shqipëri kritikohen nga vëzhguesit ndërkombëtarë”, duke iu referuar edhe raportit të sotëm të OSBE/ODIHR.

Më tej, ”660 News” shkruan se zgjedhjet për kryetarët e bashkive dhe këshillave bashkiake do të fitohen bindshëm nga Partia Socialiste në pushtet pasi zgjedhjet u bojkotuan nga opozita.

Sa i përket ndërhyrjeve të Presidentit Ilir Meta, media e Kanadasë thekson se: ”Presidenti Ilir Meta i anulloi zgjedhjet, duke thënë se ata do të ishin jodemokratikë pa opozitën. Kryeministri Edi Rama refuzoi ta bëjë këtë”.