Zv.ambasadorja amerikane Leyla Moses-Ones në zyrën e kryeministrit

Në mungesën e gjatë të një ambasadori amerikan në Tiranë, zv/ambasadorja Moses-Ones po zhvillon aktivitet të dendur diplomatik në Tiranë.

Ndërkombëtarët vijojnë përpjekjet e tyre për të gjetur një zgjidhje për krizën politike në Shqipëri. Pas vizitës në Tiranë të drejtorit të Zgjerimit në BE, Christian Danielsson, zv.ambasadorja amerikane Leyla Moses-Ones ka zhvilluar takim me kryeministrin Edi Rama.

Diplomatja amerikane që prej disa muajsh drejton selinë diplomatike të SHBA-së në vendin tonë, është parë sot pasdite të hyjë në Kryeministri. Nuk ka njoftim për këtë takim as nga Kryeministria dhe as nga ambasada, por mendohet që diskutimi është përqëndruar pikërisht tek kriza politike.