Jose Mourinho po bën një punë mjaft të mirë te skuadra e Romës. Verdhekuqtë shkojnë për të dytën herë radhazi në një finale të kompeticioneve europiane dhe kjo vetëm nën drejtimin e teknikut portugez.
Megjithatë, kjo nuk e bën aspak të sigurt qëndrimin e Mourinho në stolin e kryeqytetasve të Italisë. Sipas “La Repubblica”, trajneri 60-vjeçar mund të drejtojë nga sezoni i ardhshëm Paris Saint-Germain.
Mourinho ka pasur disa herë kontakte me drejtorin sportiv të PSG, Luis Campos. Gjithashtu, thuhet se tekniku portugez është takuar tashmë dhe me pronarin e Paris Saint-Germain.
Kampionët e Francës nuk janë të bindur nga trajneri aktual Christophe Galtier dhe mund ta shkarkojnë nga detyra në fund të sezonit.
