Guardia di Finanza ka sekuestruar në Itali, rreth 2 ton kokainë, me një vlerë që në treg llogaritet të shkojë mbi 400 milionë euro.
Sipas mediave italiane, kjo është një nga zbulimet më të mëdha të drogës që është bërë ndonjëherë në vend.
Ky është momenti kur policia italiane gjeti dhe sekuestroi 2 tonë kokainë në brigjet e Siçilisë.
Pakot ishin parë, në kuadër të aktiviteteve specifike të kontrollit të ujërave bregdetare të Sicilisë lindore për qëllime policore ekonomiko-financiare, nga njësitë ajrore-detare.
Më pas, u aktivizua njësia e policisë ekonomiko-financiare e Guardia di Finanza të Katanias, e cila, me mbështetjen e departamentit të operacioneve aeronautike të Palermos, siguroi bashkëpunim për aktivitetet e rikuperimit të parcelave detare dhe koordinoi operacionet e mëvonshme për sigurimin e ngarkesës që mbante.
Në të njëjtën kohë, një aktivitet zbulimi ajror u nis nga avionët e grupit të eksplorimit aero-detar Pratica di Mare dhe seksionit ajror të manovrimit të Catania për të verifikuar praninë e mundshme të parcelave të tjera të shpërndara në zonën përreth zonës së zbulimit. Pasi përfunduan aktivitetet ajrore dhe detare, njësitë e specializuara të bërthamës Pef të Katanias vazhduan me inspektimin e paketave.
Droga ishte e paketuar mirë, për të shmangur lagien nga uji dhe pakot ishin lidhur me njëra-tjetrën me anë të një rrjete.
Kokaina dyshohet të jetë hedhur në det nga anije mallrash me qëllim që të merrej më pas për t’u transportuar në tokë.
Autoritetet italiane sekuestruan mbi 1600 pako, me një peshë totale prej gati 2 ton.
