Qeveria ka ndërmarrë disa vendime këtë të mërkurë. Prefekti i Durrësit Roland Nasto është liruar nga detyra. Vendimi është marrë në mbledhjen e Këshillit të Ministrave. Në vend të tij është emëruar Emiljan Jani. Po ashtu është liruar nga detyra edhe prefekti i Lezhës Gjokë Jaku, i cili e njoftoi dorëheqjen pak ditë më parë në rrjetet sociale. Në vend të tij është emëruar Gjergj Prendi.
