Analisti Fatos Lubonja, thotë se rritja e pagave të gjyqtarëve do të ndikojë për keq në sistemin e drejtësisë. Po ashtu thekson se qëndrimi i Bashës për të votuar këtë rritje është shenjë e kompromisit me Ramën
“Rritja e pagave të gjyqtarëve do ndikojë për keq në drejtësi. Këtë regjim e mban në fuqi korruptimi i njerëzve dhe blerja e elitës. Nëse ka një punë që Rama mund ta bëjë me paturpësi është korruptimi i njerëzve intelektualë.
Rritja e pagave nuk do t’i motivojë që të punojnë më mirë. Ka korrupsion me para, por më i rëndësishmi është shitja te një pushtet. Qëndrimi i Bashës për të votuar këtë rritje është shenjë e kompromisit me Ramën”, u shpreh ai.
