Si pasojë e reshjeve të dëborës që kanë përfshirë vendin, drejtuesit e automjeteve në rrugën e Arbrit kanë hasur vështirësi në qarkullim. Policia e Dibrës bën me dije se shërbimet e saj ndodhen në të gjithë aksin e kësaj rruge.
Ajo u bën apel drejtuesve të automjeteve të shmangin lëvizjet e panevojshme në këtë aks rrugor, të tregojnë kujdes maksimal, dhe të përdorin pajisjet dimërore për automjetet.
“Byppas-i, i rrugës së Arbërit, është përfshirë nga reshje dëbore duke sjell vështirësi në qarkullim për drejtuesit e automjeteve.
Shërbimet e Policisë Rrugore të DVP Dibër, ndodhen në shërbim në të gjithë aksin e këtij byppas-i, për të drejtuar qarkullimin rrugor, me qëllim parandalimin e çdo aksidenti sado i vogël të jetë ai, si dhe për t’i ardhur në ndihmë çdo drejtuesi mjeti që mund të ketë probleme.
Policia e Dibrës, u bën thirrje të gjithë përdoruesve të rrugës, të shmangin lëvizjet e panevojshme në këtë aks rrugor, të tregojnë kujdes maksimal, dhe të përdorin paisjet dimërore për automjetet”, njofton policia.
