Peshëngritësja Fetije Kasa, rrëfen jetën e saj me djalin dhe divorcin

Janë bërë plot 20 vjet që nga koha kur nisi sportin për herë të parë, dy dekada që për të kanë regjistruar shumë medalje; ari, bronzi e argjendi.

Sot është shefe policie por Fetie Kasaj do të bënte gjithcka për t’u rikthyer. I ndjek gjithmonë kolegët e saj në çdo garë ndërkombëtare dhe e di se si ndihen e çfarë përjetojnë ata nga ato podiume, i njeh mirë dridhjet dhe emocionet e tyre.

Ish-kampionia e peshëngritjes, Fetie Kasaj, ka rrëfyer më shumë për jetën jashtë sportit në studion e “Pasdite në Top Channel”, si dhe për divorcin me bashkëshortin, një prej periudhave më të këqija të jetës, sidomos për Rohanin, të birin.

“Ka qenë një periudhë e vështirë për mua dhe Rohanin, por jam munduar që t’ia shpjegoj tim biri se i ati e do shumë. I them se babi është larg, por të do shumë dhe do vijë. Këtë gjë bëjnë edhe prindërit e mi. Është një pjesë që ai do ta kuptojë vetë kur të rritet”-tregon Fetia duke shtuar se gjithmonë ka dashur që në sytë e të birit.

“Unë mundohem t’i rri larg dhe im bir nuk ka asnjë kontakt me të por sa herë ka ditëlindje e festa, i dërgoj dhurata dhe i them këto i ke nga babi, në mënyrë që ai të mos e ndiejë mungesën”,-pohoi Kasa.

Gjatë këtyre viteve të vështira, i biri i ka falur një lumturi të jashtëzakonshme. “Rohan ka shumë dëshirë të mbajë një medalje që kam marrë si kampione bote në Kore. Atë e ka fiksim, sepse ajo ka një dragua. E ka fiksim ta marrë edhe në shkollë. Ndoshta e di që është e rëndësishme. Nuk i ka shumë qejf medaljet e tjera të arit, që janë edhe më të mëdha por vetëm atë”. /Class/