Forcat policore në Itali, kanë vënë në pranga një shqiptar. Kjo pasi iu gjet dhe sekuestrua mbi 40 kilogramë kokainë e pastër, e cila do të sillte një përfitim prej 10 milionë eurosh.
Makina tip “Golf” me të cilën udhëtonte 30-vjeçari u ndalua në Baraccola, për një kontroll mëngjesin e djeshëm.
Gjatë kontrollit të makinës fillimisht u gjet një qese me 1 kilogram kokainë, më pas iu kontrollua shtëpia ku iu gjetën 40 kilogramë kokainë dhe një pistoletë me të gjitha municionet e nevojshme.
30-vjeçari u dërgua në burgun Montacuto, ndërsa u sekuestrua droga, arma dhe municionet e tjera që iu gjetën gjatë kontrollit.