Aksioni i Policisë së Shtetit, për heqjen e mjeteve lundruese në plazhet shqiptare, pas ngjarjes së rëndë të ndodhur dy javë më parë në plazhin e Potamit në Himarë, ku humbi jetën 7 vjeçarja Jonada Avdia ka zgjatur vetëm disa ditë. Po del të jetë një aksion flluskë.
Kjo pasi një skaf i mbushur plot me njerëz, është filmuar në breg të detit dhe lëviz i pashqetësuar, edhe pse aty pranë janë me dhjetëra qytetarë që po lahen në det.
As shkarkimet e gjithë elitës së policisë kufitare në Vlorë, apo paralajmërimet e bëra nga drejtori i Përgjithshëm i Policisë, Gledis Nano, nuk kanë ndaluar lëvizjen e këtyre skafeve në breg të detit.
