Ahmataj: Për fat s’ishte ndeshja e fundit, na penalizoi mungesa e Plakut

Julian Ahmataj nuk e bën dramë barazimin ndaj Luftëtarit, edhe pse skuadra e tij tashmë rrezikon shumë në luftën për mbijetesë. Trajneri i Kamës është shprehur se mungesa e Sebino Plakut ndikoi në rezultatin e ndeshjes.

“Për fat të mirë kjo nuk ishte java e fundit dhe pavarësisht mundësisë së humbur, do të synojmë pikë në takimet e mbetura. Një skuadër, për të synuar suksesin, duhet të jetë e balancuar dhe jo të kalojë në aventurë. Edhe sot u munduam të siguroheshim mbrapa dhe më pas të kërkonim golin, por nuk ia dolëm të shënojmë. Mendoj se mungesa e Plakut, që është kapiteni dhe golashënuesi ynë kryesor, na penalizoi mjaft. Jo vetëm për të shtyrë topin në rrjetë, por edhe për t’i dhënë moral skuadrës”, tha trajneri i Kamzës.