Alegri dhe Arteta, dy kandidatët kryesor për t’i zënë vendin Vengerit

Masimiliano Alegri dhe Mikel Arteta janë dy kandidatët kryesor për të marrë drejtimin e Arsenalit në sezonin e ardhshëm, pasi Arsen Venger do të largohet në fund të këtij sezoni. Trajneri i Juventusit mbetet kryesuesi i listës për trajner të topçinjve, teksa bisedimet e planifikuara pritet të nisin javët e ardhshme. Strategu është gati për të nisur një aventurë të re në Londër.

Ndërkohë që Alegri mbetet zgjedhja e preferuar e shumicës së bordit drejtues të Arsenalit, ish-kapiteni i “topçinjve”, Mikel Arteta, është gjithashtu një ndër kandidatët më potencial. Arteta ka qenë ndihmës-trajner i Pep Guardiolës te Siti, dhe shihet si njeriu i duhur që mund të pasojë Venger në krye të Arsenalit.

Një tjetër emër në listën e ngushtë është ish-trajneri i Barcelonës, Luis Enrike, i cili ka marrëdhënie shumë të mirë me drejtuesin e londinezve, Raul Sanllehi.