Allegri: Fitojmë ndaj Sportingut dhe kualifikohemi

Trajneri i Juventusit, Massimiliano Allegri beson tek një fitore mbrëmjen e sotme në përballjen ndaj Sporting Lisbonas.

Në një deklaratë për mediat, Allegri tha se fitorja do ta kualifikonte “Zonjën e Vjetër” në raundin tjetër ndërsa theksoi se edhe barazimi është një rezultat i mirë, shkruan “Football-Italia.

“Kualifikimi nesër do të ishte një dhuratë për tifozët, veten dhe të gjithë. Është një lojë ku duhet të dalim me një rezultat pozitiv, një fitore do të na kualifikojë përfundimisht, një barazim na çon përpara. Ata janë një ekip i ashpër që mbrojnë shumë mirë dhe që luajnë ndryshe në shtëpi. Ata ia bënë të vështirë Barcelonës dhe fitorja për ne do të ishte një rezultat pozitiv. Ne duhet të luajmë një ndeshje të shkëlqyer, me përulësi dhe vëmendje, si dhe menaxhimin e mirë të lojërave. Skuadra duhet të qëndrojë e qetë derisa të përfundojë ndeshja”, tha ai.

Kujtojmë që sot në orën 20:45 Sportingu do të luajë shanset e fundit të kualifikimit në fazën tjetër të Champions Leagues. / Oldi Mele